NAIZ
GASTEIZ

Poliziaren oldarraldiak Errekaleorren, argia moztera joan direnean

Tentsio uneak bizi izan dira Gasteizko Errekaleor auzoan, Iberdrolako langileak bertako eraikinen argindarra moztera joan denean. Mozketa ekiditen saiatu diren gazteak indarrez atera ditu poliziak eta haien aurka oldartu dira. Haietako batzuk identifikatu eta inputatu egin dituzte.

Polizia ugari dago Errekaleor auzoan.  (@KikeFdzdePinedo)
Polizia ugari dago Errekaleor auzoan. (@KikeFdzdePinedo)

Udaltzaingoaren eta Ertzaintzaren ibilgailu ugarik lagunduta, Iberdrolako langileak Gasteizko Errekaleor auzora joan eta bertako zeinbat eraikinetan argindarra moztu egin dute.

Proiektu autogestionatuan parte hartzen duten gazteak argindar mozketa ekiditen saiatu dira eta polizia haien aurka oldartu da.

Gazteetako batzuk identifikatu eta inputatu egin dituzte, «desobedentzia» delituak egotzita.

EH Bilduko zenbait ordezkari, tartean Estitxu Breñas, Kike Fernandez de Pinedo edo Antxon Belakortu han izan dira, egoera bertatik bertara jarraitzeko.

Kableak kenduta, alde egin dute Iberdrolako beharginek.

Twitter bidez Errekaleor Bizirik-ek jakinarazi duenez, borra luzagarriak erabili dituzte oldarraldietan.

Iturri beraren arabera, gazte bat artatu behar izan du anbulantziak.