Bartzelonaren aurkako porrotaren eta Realaren aurkako derbian Lezaman lortutako berdinketaren ondotik, garaipenaren bidera itzuli dira Joseba Agirreren neskak Rayo Vallecanoren aurkako partidan.
Neurketa hasi eta segundu gutxira ireki dute zuri-gorriek markagailua, Nekane Diezek jarritako baloi on bat aprobetxatuz Yulemak eginiko golari esker.
34. minutuan Nekanek berak egin du bigarrena, baina atsedenaldira iritsi aurretik, Natalia Pablosek distantziak laburtu ditu, 1-2koa eginez.
Bigarren zatia ez da hobeto hasi, 51. minutuan Nataliak bigarren gola egin baitu talde madrildarrarentzat, markagailuan berdinketa ezarriz.
Talde bizkaitarreko jokalariek ongi erantzun dute eta sei minutu beranduago hirugarren gola egin dute, Morazaren erdiraketa Joana Flavianok buruz maisuki sareetara bidalita.
Lan eskerga egin behar izan du Athleticek hiru puntuak ateratzeko, eta oso garrantzitsua izan da Ainhoa Tirapuk egin duen partida bikaina.
Orain, bi partida jarraian jokatuko ditu Athleticek Lezaman: igandean Transportes Alcaineren aurka (16.00) eta ostegunean, hilak 15, Oiartzunen kontra (19.30).
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
