NAIZ
Barakaldo

Puntadun bertsoak olatuan, arratsaldean

Bazkal ostean bertsozaleak gogotsu eseri dira berriro BECeko plaza zabalean. 14.600 esku eta hanka pare zartak jotzeko eta lurra zartatzeko gogoz. Olatuan altxatu dituzte bertsolariak behin eta berriro eta oholtzatik ere majo erantzun dute bertso puntadun forman.

Puntukako ariketek barrea eragin dute. (Aritz LOIOLA/ARGAZKI PRESS)
Puntukako ariketek barrea eragin dute. (Aritz LOIOLA/ARGAZKI PRESS)

Ikusi dugu Maialen goizean baino beherexeago hasten baino gora igotzen. Berriro ere bakarkako gogoangarria sinatu du hernaniarrak. Ikusi dugu Amets Arzallus altxatzen eta distira hartzen. Beñat Gaztelumendik ere brilloa atera dio bere bertsogintzari eta goizeko arantzatxoa atera du. Sarriegi, goizean bezala, plazan metxa pizten aritu da eta Colina, ironia elegantez, olatu gainean surfean. Igor Elortzak ere utzi du sinadura propioa arratsaldeko ariketetan, bakarkako eder batekin amaituz. Eta Mendiluze –bai goizean eta bai arratsaldean zozketak zortzigarren jarri duena– goizeko maila onari eusten. Buruz burukorako kinielak oso irekiak daude….