Eguzkia lagun egin ditu lehen metroak, halere.
Gaur ere buru eta lepoak babestuta joan dira ibiltariak.
Bidean topatutako herritarrei euskal preso politikoen egoeraren berri eman diete ibiltariek.
Aparkatuak ziren autoetan utzi dituzte eskuorriak...
...baita etxeetako postontzietan ere...
... eta martxaren parean geratzen ziren autoei ere eman diete larunbateko manifestazioaren berri dakarren orria.
Martxa Fleury herria atzean uzten.
Mixel Berhokoirigoin gaurko etapan.
Hainbat gidarik interesa agertu dute protestaren arrazoiarekiko.
Egun osoan pankarta eskuan, baina ez zitzaien nekerik nabari.
Elurbustia ari zuen bost minutu lehenago, eskertu dute ibiltariek eguzkia agertu denekoa.
Bazkalorduan, hotzari aurre egiteko ariketak.
Bazkalorduan, hotzari aurre egiteko, alboka doinuek ere eman dute dantzarako aitzakia.
Buruak ondo estalita, baina pozik.
Zenbat eskertzen den martxan eguzkia!
Ibilbidearen tarterik gehienean bazen zer oihukatua edo zer abestua.
Martxa Fresneseko espetxe atarian.
Fresneseko espetxe zaharrari buelta eman dio martxak.
Hasieran espetxeko segurtasun arduradunek pasatzen ez utzi arren, martxa murruetaraino sartu da.
Euripean amaitu da etapa, atzean Fresneseko espetxea.
Kitto, gaurkoa ere eginda.
Espetxeetako martxa, Fleury-tik Fresnesera eta Parisera iristeko prest
Azkenaurreko tartea bete du gaur hiru aste atzera Mont-de-Marsango espetxean abiatu zen espetxe birak. Frantziako Estatuko bi espetxe handienak lotu ditu oinez gaur ere hotzaren eta euriaren oztopoari aurre egin behar izan dion martxak. Larunbat goizez amaituko du bere bidea, Fresnes eta 18 juin 1940 plaza lotzen dituzten 10 kilometroak egin ostean. (ARGAZKIAK: ISABELLE MIQUELESTORENA)
DEC. 08 2017
