Naiz.info
Donostia

Manifestazioa egingo dute Arrasaten Uribetxeberriaren askatasuna eskatzeko

Herrira mugimenduak manifestazioa antolatu du datorren larunbatean Arrasaten Josu Uribetxeberria eta gaixotasun larriak dituzten beste euskal preso politikoen askatasuna eskatzeko.

Herrirako ordekzariek agerraldia egin dute gaur goizean Donostian. (Andoni CANELLADA / ARGAZKI PRESS)
Herrirako ordekzariek agerraldia egin dute gaur goizean Donostian. (Andoni CANELLADA / ARGAZKI PRESS)

Herrira mugimenduak agerraldia egin du gaur goizean Donostian eta gaixotasun larriak dituzten euskal preso politikoak askatzea eskatu dio Gobernu espainiarrari.

Iñaki Olasolo Herrira eledunak Josu Uribetxeberriaren egoera gogora ekarri du gogora –Arrasateko presoak minbizia dauka– eta bere askatasuna eta gaixorik dauden gainontzeko euskal preso politikoen askatasuna eskatzeko manifestazioa antolatu dutela ezagutzera eman dute.

Arrasaten burutuko da mobilizazioa datorren larunbatean eta herriko alkate Iñaki Azkarragaurizarrek ere agerraldian parte hartu du ekimenari sostengua emanez.

15.30etan abiatuko da mobilizazioa Arrasateko plazatik.

Aldi berean, gaixorik dauden preso politikoak ahalik eta azkarren askatzeko eskatu du Olasolok eta egungo espetxe politika bertan behera uzteko exigitu die arduradun politikoei.