Jose Angel Iribarrek Athleticekin lehen partida jokatu zuenetik 50 urte betetzen zirenez, merezitako omenaldia eskaini dio klubak atezain mitikoari. Hunkigarria izan da ekitaldia eta San Mameseko zaletuek beren mirespena erakutsi diote. Aldi berean, talde zuri-gorrian jokatu duten hainbat atezainek ere parte hartu dute omenaldian.

Iribarren omenaldiaren partida bezala gogoratuko da Athleticek eta Malagak jokatutako norgehiagoka eta agian Raul atezain gaztearen ibilbidearen hasiera bezala. Izan ere, azken orduan Iraizoz deialditik kanpo gelditu da lesio batengatik eta Raul sartu da hamaikoan.

Atezain gazteak partida ona egin du, nahiz eta jokaldi batzuetan urduritasun pixkat erakutsi duen.

Norgehiagokar dagokionez, bi taldeek aukerak izan dituzte gola egiteko baina batek ere ez du asmatu eta azkenean berdinketarekin bukatu da.