Liga erdia jokatu da dagoeneko Euskotren Ligan eta Zumaiak eskura dauka garaipena denboraldiko laugarren estropada etxean irabazi ondoren. Zumaiako arraunlariak larunbatean Getxon jasandako porrota ahazteko asmoarekin atera dira eta hasieratik aurrean kokatu dira.

San Juanek bakarrik jarraitu ahal izan die zumaiarrei eta hamar segundutara iritsi da. Hirugarren tokian ezustekoa izan da eta Oriok Hibaika gainditu du. Hiru estropada geratzen dira Euskotren Liga bukatzeko eta Zumaiak lau puntuko aldea dauka bigarren tokian sailkatuta dagoen San Juan taldearekiko.