Azken hilabeteotako eheranzko joera hautsi eta, Estatu espainolean bezalaxe, gora egin du langabe kopuruak Hego Euskal Herrian. Orotara, 1.250 lagun gehiago zeuden abuztu bukaeran enplegu bulegoetan izena emanda.
215.390 langabe daude guztira Hego Euskal Herrian.
Jaitsiera bakarra Nafarroan jazo da, aurreko hilabeteko datuekin alderatuta, %1,17 egin baitu behera langabe kopuruak (545 lagunek aurkitu dute lana). Guztira, 46.202 dira enplegu bulegoetan izena emanda dauden nafarrak.
Igoerarik handiena, aldiz, Gipuzkoan izan da, %1,91 egin baitu gora langabe kopuruak (880 pertsona). Orotara, 46.978 pertsona daude herrialde horretan langabezian.
Araban %1,70 igo da langabe kopurua abuztuan, 464 lagunek eman baitute izena enplegu bulegoetan. 27.752 arabar daude lanik gabe.
Bizkaian %0,48 egin du gora langabe kopuruak (451 pertsona), guztira 94.458 lagun ari direlarik lan bila.
Iazko datuekin alderatuta, herrialde guztietan egin du behera langabezia tasak: %8,92 Nafarroan, %2,77 Bizkaian, %2,28 Gipuzkoan eta %0,47 Araban.
Estatu espainol mailan, abuztuaren bukaeran aurreko hilabetean baino 8.070 lagun gehiago zeuden enplegu bulegoetan izena emanda. Guztira, 4.427.930 pertsona daude langabezian.
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
