ELA, LAB, CCOO, UGT eta USO sindikatuek deiturik bosgarren greba eguna dute Bizkaibuseko langileek. 24 orduko lanuzte berri bat deitu dute Foru Aldundiari deialdi argia eginez, ez dezala lanposturik desegin eta lan baldintzak ez ditzala okertu, «Bizkaiko biztanleria eta enplegua inporta bazaizkio, erakutsi dezala, zerbitzua hobetuz eta lanpostuak mantenduz». Sindikatuek gogoratu diote orain urte bete sindikatuekin sinatu zuen akordioak hori zuela bere baitan, baina ez duela bete.

Herritarrei ere dei egin diete sindikatuek «ez dezatela Bizkaibusen zerbitzua okertzen utzi». 10.00etarako manifestazioa deitu dute langileek Bilbon, EiTBren egoitzatik hasita.