Carlos Urquijok salaketa berri bat iragarri du, kasu honetan larunbatean amnistiaren alde Bilbon izan zen manifestazioaren aurka. Espainiako Auzitegi Nazionalean salaketa jarriko duela iragarri du, «terrorismoa goratu» omen zelako.
Urquijoren arabera delitu da «presoak ez dira terroristak» eta «euren onena eman dute» esatea. Manifestazioaren amaieran irakurritako agirian esan zirela horiek dio eta horregatik jarri duela salaketa.
Espainiako Gobernuak EAEn duen ordezkariak orain salatu duen manifestazioan mila lagun inguruk parte hartu zuen ‘Amnistia’ zioen pankarta bat buru. Egiazko konponbiderik egongo bada amnistia ezinbestekoa dela azpimarratu zuten.