'The Mail On Sunday' egunkari britainiarrak egin du publiko Theresa Mayren Gobernuaren kabinete buru den Jeremy Heywoodek funtzionario eta ministroei bidalitako gutuna, filtrazioak saihesteko neurriak jasotzen dituena.
Bertan, Gobernuak dituen asmoak filtratzen harrapatzen duten edonor kaleratua izango dela dio Heywoodek, baita honek Estatuko segurtasuna auzitan jartzen ez badu ere.
«Filtrazioek deskonfiantza areagotzen dute eta lan-giroa kaltetu. Filtrazioak ez dira behin ere ongi etorriak, baina azken aldiko ugaritasunak neurriak hartzera behartu gaitu», gaineratzen du.
Iragan ekainaren 23an britainiarrek Europar Batasuna uztea erabaki zutenetik hamaika izan dira han eta hemen Gobernuaren asmoen berri eman izan duten informazioak. Theresa Mayk, baina, negoziazioei begirako bere estrategiaren berri eman gabe jarraitzen du.
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
Una izquierda confederal unida hubiera impedido la mayoría PNV-PSE
Abenduaren 21erako bigarren kontzertu bat iragarri du Muguruzak, lehenerako sarrerak agortuta
