Partida orekatua izan da Sevillan Betisek eta Realak jokatu dutena. Bi taldeak atera dira garaipenaren bila eta bi ateetan izan dira aurretik jartzeko aukerak. Honela, Nahikarik, ordu laurdena beteta ez zela, jokaldi eder baten ostean gola egiteko abagunea izan du, baina ez du asmatu.

Eta aldapa behera ere jarri zaie partida txuri-urdinei, Betis 10 jokalarirekin geratu da-eta 29. minutuan Paula Morenok bigarren txartel horia ikusi eta gero. Hala ere, 38. minutuan iritsi da etxekoen gola. Beatriz Parrak lortu du gerora garaipenaren gola izanen zena.

Bigarren zatian berdinketaren bila atera dira gipuzkoarrak, baina ez dute azken metroetan asmatu eta garaipena eta puntuak Sevillan geratu dira.