Zizpa gaztetxearen aitzinean egin duten prentsaurrekoan «Iruñeko kasuan bezala, instituzioek eta jendarteak erantzun bateratu bat eman behar» dutela adierazi dute, eta horretarako, protokolo bat proposatzen dute.
Protokolo horrek, eraso bat ematen den momentutik, herriko etxe eta elkarteen arteko koordinazioa ahalbideratuko luke. Modu horretan, erantzun eraginkorrago bat emateko urratsak zehazten dira. Aitzitik, elkarretaratze masibo eta bateratu posible bat, non, noiz eta nola gauzatuko litzatekeen esplikatzen dute.
Alde batetik, Udalak, zein prentsak elkarteen ordezkarietako baten telefono zenbaki izango du edozein gertaeraren berri emateko.
Honez gain, eraso bat izan dela egiaztatzen bada elkarretaratze masibo bat deitzeko bitartekoak ezarriko dira.
Gauzak horrela, elkarretaratzea egunean bertan edo biharamunean izango litzateke arratsaldeko 18:00etan Roland Barthes zelaigunean.
Segurtasuna mantendu
2016an segurtasuna dela eta ezarri ziren neurriak gainditu nahi dituzteko Baionako agintariek, normaltsasunera itzultzeko helburuarekin. Halere, joan den astean jakitera eman zutenez, segurtasun alorreko aurrekontuak mantendu egingo dira. Gauzak horrela, 300.00 euro inbertituko dira Baionako bestak antolatzeko. Orotara, 1.200 uniformedun izanen da Baionako karriketan.
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
Una izquierda confederal unida hubiera impedido la mayoría PNV-PSE
Abenduaren 21erako bigarren kontzertu bat iragarri du Muguruzak, lehenerako sarrerak agortuta
