«Mendekua besterik bilatzen ez duen presidentearen burugabekeria baztertu eta zuhurtziaz jokatzea» eskatu die EH Bilduk GHKko kontseiluko kideei. Astelehenean egingo duten batzordean, PSEko diputatu Jose Ignacio Asensiok aurreko legealdian GHKko eta Foru Aldundiko agintari ziren Iñaki Errazkin eta Ainhoa Intxaurrandieta epaitegietara eramatea proposatuko du, Zubietako erraustegiaren eraikuntza gelditzeagatik.
EH Bilduren hitzetan «legitimitate demokratiko osoarekin eta legea %100 betez jokatu zuten» agintari biek. «Kudeaketa zuzena eta gardena egin zuten, herri mandatua betez, gipuzkoarren osasunaren eta interes publikoaren defentsan».
Zentzu horretan, erabaki «berme juridiko guztiekin» hartu zela gaineratu du koalizioak ohar baten bidez. «Diru publikoa xahutzea ekiditeko» hartutako erabakia izan zela nabarmendu dute.
Koalizioak «administrazio publikoek herritarren eskubideak eta interesak defendatu behar dituztela» gogoratu die GHKko kideei. «Justizia eta kargu publikoak ezin dira helburu politiko eta pertsonalekin erabili», gehitu du.
Azkenik, Euskal Herriko instituzioei dagozkien erabakiak Euskal Herrian bertan hartzeko eskatu du eta «ez Madrileko epaitegien esku».
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
Una izquierda confederal unida hubiera impedido la mayoría PNV-PSE
Abenduaren 21erako bigarren kontzertu bat iragarri du Muguruzak, lehenerako sarrerak agortuta
