Naiz+ Naiz+

Lehen kolpean ez baina... Iruñeko gaiak euskaraz

‘El ferrocarril del Plazaola’ eta ‘La Ciudadela de Pamplona’ liburuak euskaraz ere argitaratu beharko ditu Iruñeko Udalak... «beharko» bai, gaztelera hutsez argitaratu baizituen hasieran, Administrazioan Euskaraz taldeak gure postontzira igorritako mezuan gogoratu du Nafarroako Administrazio Auzitegiaren ebazpenez egin «beharko» duela Udalak. Eskaria orain, gainontzeko liburuekin ere gauza bera egiteko, Iruñeko gaiak euskaraz ere argitaratzeko, «behar bezala, beraz».

Hauxe oharra osorik: «‘El ferrocarril del Plazaola’ eta ‘La Ciudadela de Pamplona’ liburuak euskaraz ere argitaratu beharko ditu Iruñeko Udalak. Nafarroako Administrazio Auzitegiak 2014ko azaroaren 5eko Ebazpenean onartu zuen hori, gaiaren inguruan ezabaidatu gabe. Hain zuzen ere, Iruñeko Udala bera izan zen helegitearen aurrean amore ematea erabaki zuena. Ea gauza bera egiten duen jaso duen hurrengo eskaerarekin!: ‘El patrimonio fortificado pirenaico (s. XVI-XIX)’ liburua ere euskaraz argitaratzea. 2014ko azaroaren 10ean aurkeztu zuen Iruñeko Udalak. 2013ko udazkenean Pirinioetako ondare gotortuaren inguruko IV. Biltzarra egin zen eta liburuak hor aurkeztutako zazpi txostenak biltzen ditu. Iruñeko gaiak euskaraz: Behar bezala, beraz. Iruñean, 2014ko abenduaren 15ean. ADMINISTRAZIOAN EUSKARAZ TALDEA»