Udalbiltzak agerraldia egin du Ordizian eta lan ildo berri bati ekingo diola iragarri du, hain zuzen ere, euskal herritartasunari. Independentziaren alde Katalunian eta Eskozian aurten egingo diren galdeketak direla-eta, 2014a urte berezia izango dela uste du udalen eta udal hautetsien biltzarrak eta, gure herrialdeari dagokionez, bide propioa egiteko baldintzak sortzen ari direla adierazi dute.