Bizkaiko aurrekontuetarako babesik zergatik ez duen lortu hausnartzeko eskatu diote EAJri

2013ko Bizkaiko aurrekontuak onartzeko oposizioaren babesik lortu ez duela-eta, autokritika egin dezala eskatu dio EH Bilduk EAJri. «Porrot egin duen eredua» alde batera uzteko eta «bizkaitarron gizarte eskubideak lehentasun gisa» jar ditzala galdegin diote Jose Luis Bilbaori.

NAIZ.INFO|BILBO|2012/12/20 11:39
Bildu_bizkaia
Ezkerretik eskuinera, Joseba Gezuraga, Irune Soto eta Josu Murgia. (BILDU BIZKAIA)

EH Bilduk agerraldi batean gogora ekarri duenez, EAJk 2013ko aurrekontuak aurrera ateratzeko duen aukera bakarra PP abstenitzea da. Koalizio abertzaleak berak osoko zuzenketa aurkeztu zion astelehenean aurreproiektuari, eta PSEk gauza bera egin zuen atzo. PPk, aldiz, zuzenketa partzialak aurkeztu ditu.

Joseba Gezuraga, Irune Soto eta Josu Murgia batzarkideek gogoratu dutenez, iaz PPren abstentzioari esker lortu zuen Jose Luis Bilbaok aurrekontuak onartzea. Bi alderdi horiek eredu ekonomiko berbera defendatzen dutela uste du, eta horren adibidetzat jarri du Bizkaiko Foru Aldundiak ez duela «neurri bakar bat bera ere hartu Madrildik datozen murrizketen aurrean».

EAJri zergatik ez den oposizioaren babesik lortzeko gai izan hausnartzeko eskatu diote, eta «beste aurrekontu eredu baten alde» lan egiteko prestutasuna adierazi dute. «EAJri eskatzen diogu autokritika egin dezala, porrot egin duen eredua albo batera utzi dezala eta bizkaitarron gizarte eskubideak ipini ditzala lehentasun gisa», nabarmendu dute.

ERLAZIONATUTAKO ALBISTEAK

[Subtítulos en castellano] 2003an Espainiako gobernuak euskaraz idatzitako egunkari bakarra ixteko agindu zuen: Euskaldunon Egunkaria. Egunkaria itxi eta bere zuzendaritzako partaideak torturatu egin zituzten. ETAko kide zirela esan zuten. 7 urte beranduago, epaiketan, salaketa horien zentzugabetasuna frogatu zen: akusatu guztiak absolbituak izan ziren. Dokumental hau ez da ordea bidegabekeria tamalgarri horien bilduma; lehenengo euskarazko egunkariaren sorrera pozgarri eta itxaropentsua dauka hizpide. [DOKUMENTALA]

Esperimentu bat egitera atera ginen...
 
¿Y SI NO SE CUENTA?
Kontatzen ez dena ez da