Malvinen inguruko Nazio Batuen ebazpena aintzat hartzeko eskatu dio Argentinak Britainia Handiari

Indonesian koinziditu dute Cristina Fernandez Argentinako Gobernu-buruak eta Philip Hammod Britainia Handiko Defentsa ministroak. Egoera baliatuz, Nazio Batuen Erakundeak Malvinen inguruan hartu zuen ebazpena onartzeko eskatu dio Fernandezek Londresi, elkarrizketa bideak zabalduz.

NAIZ.INFO|JAKARTA|2013/01/17 11:20
20130117_cristina_fernandez
Cristina Fernandez Argentinako lehendakaria, Indonesiara egin duen bidaian. (AFP)

Indonesiako lehendakariarekin izaniko bilera baten ostean eginiko adierazpenetan, Cristina Fernandez Argentinako Gobernu-buruak Malvinen subiranotasunaren inguruan elkarrizketarako bideak irekitzeko eskatu dio Britainia Handiari.

Fernandezen bidaiak Londresko Defentsa ministro den Philip Hammond-ek Indonesiara eginiko bidiarekin koinziditu du.

Nazio Batuen Erakundeak hartutako ebazpen bat izan du ahotan Fernandezek. Erabaki haren arabera, bi estatuak behartuta daude auziari irtenbidea emateko bideak irekitzera.

Londresen jarrera ezkorra dela eta, kexu agertu da Argentinako lehendakaria. «Ebazpenak herrialde indartsuen aldekoak direnean guztiok gaude behartuta hauei men egitera, aldiz, protagonista ez diren herrialdeen aldekoak direnean bazter batean uzten dira».

Era berean, eskerrak eman dizkio Indonesiako Gobernuari, «Malvinen auzian eman digun babesagatik».

Bestalde, Malvinetako Gobernuak bere burujabetzaren inguruko erreferendum bat egingo zuela iragarri zuen.

[Subtítulos en castellano] 2003an Espainiako gobernuak euskaraz idatzitako egunkari bakarra ixteko agindu zuen: Euskaldunon Egunkaria. Egunkaria itxi eta bere zuzendaritzako partaideak torturatu egin zituzten. ETAko kide zirela esan zuten. 7 urte beranduago, epaiketan, salaketa horien zentzugabetasuna frogatu zen: akusatu guztiak absolbituak izan ziren. Dokumental hau ez da ordea bidegabekeria tamalgarri horien bilduma; lehenengo euskarazko egunkariaren sorrera pozgarri eta itxaropentsua dauka hizpide. [DOKUMENTALA]

Esperimentu bat egitera atera ginen...
 
¿Y SI NO SE CUENTA?
Kontatzen ez dena ez da