Gaur goizean hil da Albert Reynolds 81 urterekin, Irlandaren iparraldeko baketze prozesuan garrantzia handia izan zuen Fianna Fáil alderdiko kidea. Horren adierazle, dolumina agertzen lehenbizikoetako Martin McGuinnes Irlanda iparraldeko lehen ministroa izan dela:
Very sad to hear that former Taoiseach Albert Reynolds has died. Deep sympathy to Kathleen & family.Albert was a Peacemaker. #Appreciation
— Martin McGuinness (@M_McGuinness_SF) August 21, 2014
Euskal Herrian ere baketze prozesuan esku hartze garrantzitsua eta iraunkorra izan du Reynoldsek. Besteak beste, egungo garai berriaren irekiera bultzatu zuen Bruselasko Adierazpenaren sinatzaileetako bat izan zen 2010eko martxoan.
Aurrez ere euskal gatazkaren konponbiderako bere ezagutza eskaini zuen. 2007an bisita egin zuen Euskal Herrira bertako alderdi politikoekin biltzeko. Azken negoziazio prozesua kinka larrian zen, eta prozesu harri azken bultzada emateko lanean Juan Jose Ibarretxe orduko lehendakariarekin eta Batasunarekin bildu zen, besteak beste. 2002an Elkarrik antolatutako bake konferentzian ere parte hartu zuen.
Euskal Herrian Pernando Barrenak, egun Sortuko bozeramailea, esker on mezua zabaldu du sarean, bere aholkuengatik eskerrak emanez:
Thanks for your advice & expertise Mr. Reynolds, peacemaker in Ireland and the Basque Country http://t.co/mvd5gcEqKQ pic.twitter.com/hmrlt0kUhe
— Pernando Barrena (@pernandobarrena) August 21, 2014
1992ko otsailetik 1994ko abendua bitartean izan zen Irlandaren hegoaldeko lehen ministro. Bere alderdiak webgunean jasotzen duenez «zalantzarik gabe bere lorpen handiena Ipar Irlandan eta irlandar eta ingelesen arteko harremanetan lortu zuen, Downing Streeteko Adierazpena sinatuz 1993an». Bere ahotan ere jarri du Fianna Fáilek honako adierazpena: «Albert Reynoldsek funtsezko galdera eginz uen, ‘nork dio beldur bakeari?’.