Lakuako Segurtasun Sailak jakinarazi duenez, goizeko 09:25 aldera, itsasadarrean garbiketa lanak egiten dituen ontziak pertsona baten gorpua ikusi du ur gainean, Udondo parean.

Gurutze Gorriko eta Ertzaintzako ontzi bana eta ertzain urpekariak bertara joan dira eta gorpua ateratzeko lanei ekin diete.

Gorpua oraindik identifikatu ez duten arren, Ertzaintzak uste du aurreko egunetan Bilbo inguruan itsasadarrean bilatzen ari ziren gizonarena izan daitekeela.