Lakuako Segurtasun Sailaren arabera, Igorreko erasoa goizeko 04.10ean gertatu da, Lehendakari Agirre kaleko 33. zenbakian dagoen sukurtsalean leherkari batek eztanda egin duenean.
Eztandak bulegoaren sarreran kalte materialak eragin ditu eta hainbat kristal hautsi dira. Ez du, ordea, kalte pertsonalik eragin inguruko bizilagunengan.
Iturri berberen arabera, goizeko 07.30ean Gasteizko beste sukurtsal batean objektu arraro baten berri eman diote bizilagunek. Lakuaren arabera, ezaugarri berbereko leherkaria zen baina ez du eztandarik egin.
Kutxaren Batzarrarekin lotu ditu Beltran de Herediak
Estefania Beltran de Heredia Lakuako Gobernuko Segurtasun sailburuak esan du Ertzaintza ikertzen ari dela bi erasoak baina bere «inpresioa» dela gaur Kutxak Donostian egingo duen Batzar Orokorrarekin zerikusia dutela.
EH Bilduren gaitzespena
EH Bilduk, ohar batean, erasoak errefusatu ditu eta modu horretako ekintzeko «BBK, Vital eta Kutxaren bankarizazio prozesua bultzatzen eta babesten dutenen helburuekin bat egiten» dutela adierazi du, «beraien estrategia osatuz eta burutzen ari diren lapurreta ezkutatzeko laguntza paregabea bihurtuz».
Fermin Muguruzak 40 urteko ibilbidea berpiztuko du Bilbao Arenan eskainiko duen kontzertuan
El despegue de EH Bildu y el retroceso del PNV provocan un empate inédito
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
