20 urte daramatza Berri Txarrak taldeak eszenatoki gainean eta urteurrena ospatzeko asmoz, lan hirukoitz bat kaleratu dute gaur hiriburu bizkaitarreko Kafe Antzokian egin duten aurkezpenaren ostean. Osotara 20 abesti berri biltzen ditu lanak. «20 urte, 20 abesti» lelopean hiru ekoizle desberdinekin grabatutako lan hirukoitza da.
Proiektu berriko lanak hiru zatitan banatuta daude, «rocka ulertzeko hiru molde, hiru ikuspuntu kontrajarri» lantze aldera. Horretarako hiru ekoizle desberdinen eskuetan jarri zen Lekunberriko taldea, Ross Robinson, Ricky Falkner eta Bill Stevensonek euren ikutua eman ziezaioten.
Aste guztian zehar, Euskal Herriko hiriburu desberdinetan aurkeztuko dute lana. Urtarriletik aurrera, ordea, eszenatoki gainera itzuliko dira. Lehena, urtarrilak 9, Donostian.