Aitzinak 15 seinale jarri zituen atzo Ipar Euskal Herriaren eta Estatu frantsesaren arteko mugetan, Ipar Euskal Herriarentzako aitortza instituzionala eskatu eta euskararen ofizialtasuna aldarrikatzeko.
Gazte antolakundeak bere Twitter kontuan jakinarazi duenez, Kontseilu Orokorrak kendu egin ditu panelak.
Kontseilu orokorrak gure panelak kendu ditu, berriz ere frantziaren erantzuna argi da. @Aitzinagazte-k eraikitzen segituko du ! #HerriaEgin
— Aitzina antolakundea (@Aitzinagazte) December 24, 2014
Iragan uztailean frantses hutsean zeuden zenbait bide seinale kendu eta trenez Parisera bidali zituen Aitzina gazte erakundeak, Ipar Euskal Herriarentzako aitortza eskatu eta euskararen ofizaltasuna galdegiteko.
Estatuak, ordea, atxiloketekin eta lokalen miaketarekin erantzun zion ekimen horri. Atzo, aldiz, dinamika horren bukaera gisa jarri zituzten errepideetan seinaleak, euskara hutsean, Euskal Herriaren eta Estatu frantsesaren arteko mugak eta Lapurdi, Nafarroa Beherea eta Zuberoaren artekoak markatuz.