«ETB 2ko albistegietan bereziki», eta oro har era guztietako programetan euskal hiztunei ematen zaien tratuarekin «kezkaturik», agerraldia egin dute Euskal Herriko osoko hainbat kirolari eta kultur munduko pertsonek.
Bertan adierazi dutenez, «egunero behartzen dituzte euskaldunak gaztelaniaz hitz egitera», eta horrek bi ondorio larri eragiten dituela azaldu dute. Batetik, Euskal Herriaren mapa linguistikoa «desitxuratu» egiten dela adierazi dute eta, bestetik, EiTBren sorreran zegoen helburu nagusietakoa «boikotatzen» dela nabarmendu dute, «hots, euskararen normalizazioa».
«Anormal bilakatzen dute euskal kate publikoan euskaraz hitz egiten agertzea, eta hori onartezina da gure egungo egoeran», salatu dute.
Horregatik, eskatu diote EiTBko zuzendaritzari agindua eman diezaiela kazetari guztiei euskaldunak gaztelaniaz hitz egitera ez behartzeko, eta arretaz zaindu dezatela agindua betetzen den ala ez.
Era berean, eskaera hau euskal herritar guztiei zabaldu nahi izan diete, telebistako kamera bat hurbiltzen zaienean euskara erabiliko duten subjektu linguistiko bihurtzeko deia eginez.
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
Una izquierda confederal unida hubiera impedido la mayoría PNV-PSE
Abenduaren 21erako bigarren kontzertu bat iragarri du Muguruzak, lehenerako sarrerak agortuta
