Maiatzaren 28an hasiko du Literaturiak, Zarautzen, edizio berri bat. Egun batzuk lehenago, hilaren 14an, aurkezpen ekitaldia izango du ordea. Bernardo Atxaga eta Jose Luis Padron izango dira Garoa liburu-dendan egingo den aurkezpenean.
Lehenengo egunean ardoari eta zentzumenei emango diote protagonismoa. ‘Zentzumenen zoramena’ deritzon ekitaldia egingo da txakolindegian; Katixa Agirre, Oier Santos, Gaizka Zabarte eta Tere Irasortzaren azken lanak lurrik usainez eta txakolin zaporez bustiko dira.
Gonbidatuen artean, euskal letretako idazle errotuak ere badira. Anjel Lertxundi, esaterako. Berak egingo du irekiera ekitaldia maiatzaren 29an. Gehiago ere izango dira, Edorta Jimenez (Nora Barnacle-ren inguruan) edo Arantxa Urretabizkaia (Karmele Jaio eta Arantxa Iturberekin), esaterako.
Eta proposamen ausartagoak ere antolatu dituzte: ‘Erractus ikuskizuna’, Danele Sarriugarte, Jule Goikoetxea eta Kattalin Minerrek sortua; ‘Porto’, Harkaitz Cano eta Mursegorena; edo ‘Ardoa eta odola’ (Napoka Iria eta Joseba B.Lenoir). Poteo literarioak eta bertso saioa ere izango dira, gainera. Baita liburu azoka ere.
Ekitaldiak Modelo aretoan eta Garoa liburu-dendan izango dira, bertso saioa izan ezik (Putzutzulo).
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
Una izquierda confederal unida hubiera impedido la mayoría PNV-PSE
Abenduaren 21erako bigarren kontzertu bat iragarri du Muguruzak, lehenerako sarrerak agortuta
