Arratsaldeko 15.30 pasata iritsi da Loiuko aireportura Lillen istripua izan zuen autobuseko 40 bidaiari zekartzan hegazkina.
Aireportuan zituzten zain, senide eta lagunez gain, hainbat mediku, sikologo eta Osakidetzako aditu, gazteak artatzeko. Bertan gela bat prestatu diete, harrera egiteko. Guztiak onik zeuden, baina bat Gurutzetako ospitalera eraman dute, gurasoen desioz, eta espero dute datozen orduotan alta jasotzea.
Leire Madariaga Gobernuko Kanpo Harremanetarako zuzendariak esan duenez, «oso lasai» eta «pozik» daude ikasleak, etxera itzuli direlako.
Ainhoa isla zauritutako ikasleetako batek hedabideei azaldu dienez, «gertatu dena barneratu eta deskantsatzeko» asmoa dute, gertatutakoa «oso gogorra» izan delako. Gazte hau autobusaren atzealdean zihoan eta segurtasun uhala lotuta zeukan, eta kolpeak besterik ez zituen jasan. Lilleko ospitalean zaurituta geratu diren lagunak izan ditu gogoan.
Senideek, berriz, istripua izan zutela jakin zutenetik izan duten «urduritasuna» nabarmendu dute.
Josu Erkoreka Lakuako Gobernuko bozeramaileak adierazi duenez, Lilleko ospitalean hamahiru lagun daude oraindik, baina horietatik seik datozen orduotan alta jasotzea espero da. Sei lagun larri daude, baina haien bizitza ez dago arriskuan.
Un autobús con estudiantes vascos sufre un accidente en Lille
Un viaje de una semana alojados en un camping de Amsterdam
Lakua dispone de la lista completa de heridos en el accidente de Lille
La situación de los seis heridos graves en el accidente de un autobús en Lille se estabiliza
El conductor del autobús accidentado en Lille queda en libertad con cargos
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
Una izquierda confederal unida hubiera impedido la mayoría PNV-PSE
Abenduaren 21erako bigarren kontzertu bat iragarri du Muguruzak, lehenerako sarrerak agortuta
