‘Mikel Zabalza gogoan’ herri ekimenak antolatuta, askotariko ekitaldiak izan dituzte larunbat honetan: kantaldiak, erraldoiak, herri bazkaria, kontzertuak, ekitaldi nagusia...

Jaiaren helburu nagusia ‘Galdutako objektuak’ dokumentala diruz laguntzea da. Lan horrek duela ia 30 urte Guardia Zibilak atxilotu eta handik egun batzuetara Bidasoa ibaian hilik agertu zen Orbaitzetako bizilagunaren auzia aztertuko du, senide eta lagunen testigantzak jasoz. Horrez gain, torturak euskal jendartearen izan duen eragina aztertuko da.

Proiektua aurrera ateratzeko, Ahotsak, Eguzki Bideoak-ek eta Filmotek ekoiztetxeak hainbat ekimen antolatzen ari dira, 60.000 euro behar izango baitituzte. Era berean, laguntza eman nahi duen ororentzat kontu-korronte zenbakia eman dute: 3035 0356 57 3560007399 (Laboral Kutxa - Mintza Komunikazio Elkartea).