Euskal Herriko Eskubide Sozialen Kartaren sinatzaile diren LAB, ELA, ESK, STEILAS eta EHNE sindikatuetako ordezkariek urriaren 24an Bilboko Areatzan eta Alde Zaharrean egingo den Alternatiben Herria ekimenean parte ahrtzeko deia egin dute. Gaur bizkaitar hiriburuan egindako agerraldi baten bidez, babesa adierazi nahi izan diote ekimenari.
Bertan adierazi dutenez, «eraldaketarako hazia» landatzea dute jomuga eta aldaketa horren parte izatera gonbidatu dute gizartea. «Ekimena hilabete askotako lana da. Prozesuari erreparatuz gero, izugarri aberatsa da. Jende ugari parte-hartzen ari da, ekimenak dagoeneko 145 eragile sozialen atxikimendua jaso duelarik, tartean hemen bildu garen sindikatuak», adierazi dute.
LAB sindikatuko idazkari nagusi de Ainhoa Etxaidek «desobedientzia» ekimen bat izango dela nabarmendu du. Eta alternatiba hau gizarteak eskaintzen duela gehitu, ekimena «soberania sozial» bezala definituz. Honela, «erabakiak bulegotik atera» egin behar direla azpimarratu du Etxaidek.
Ekimenaren baitan, lehentasun moduan kokatu dute «sistemaren aurrean alternatibak bilatzea». ELAko idazkari nagusi den Adolfo Muñozek nabarmendu egin du horrelako ekimenak «kapitalismoarengandik ihes» egiten dutela. Honen harira, «proposamenak garatzearen garrantzia» azpimarratu du Muñozek.
Alternatiben Herriaren egitarauan dokumentalak, eztabaidak, mahai-inguruak eta beste haibat ekimen izango dira.
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
