Aitzinak berak Twitter bidez jakinarazi duenez, antolakundeko hiru militante deklaratzera deitu dituzte komisariara, bide seinaleen afera dela-eta.
Kasik 2 urte beranto, Aitzinako 3 militante komisaldegian deklaratzerat deituak. Zutik eta tinko, gazteria aitzina! pic.twitter.com/MRHN7RrjxB
— Aitzina antolakundea (@Aitzinagazte) February 10, 2016
2014ko uztailaren 14tik dator auzia, Aitzinak frantses hutsean zeuden bide seinaleen aurkako ekimena burutu zuen. Frantses hutsean zeuden errepide seinaleak «lapurtu» eta Parisera zihoan tren batean sartu zituen, «Euskal Herriaren nortasun kulturala eta politikoa ukatzen» zutelako.
Horren ondotik, jendarmeak Aitzinaren lokalean sartu ziren miaketa egiteko asmoz. Gazteek poliziak material informatikoa eraman zuela salatu zuten. Hurrengo egunean, frantses seinaleak eskutan hartuta egin zuten salaketa, agerraldi jendetsu batean.
2014ko azaroaren bukaeran eta abenduan Ieltxu Ostolaza eta Koldo Etxegarai atxilotu zituzten, eta aske utzi.
Aitzinak komisariaren deiak «gogorki» salatu ditu eta gazteei adi egoteko eskatu die. «Nahi bezain bat prozedura martxan jarri ditzakete; baina, euskal gazteria ez da makurtuko», nabarmendu du.
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
Una izquierda confederal unida hubiera impedido la mayoría PNV-PSE
Abenduaren 21erako bigarren kontzertu bat iragarri du Muguruzak, lehenerako sarrerak agortuta
