Ibai Gomezek ez du Athleticen jokatuko datorren denboraldian, jokalariak eta klubak aho batez onartu baitute honen kontratua etetea.

Azken orduetako kontua izan da guztia, gaur bertan taldeak Nantesen aurka jokatuko duen partidako deialdiaren parte baitzen Gomez. Guillermok hartuko du bere lekua deialdian.

Bost denboraldi egin ditu talde zuri-gorrian, 145 neurketa jokatu eta 17 gol sartuz.

Athleticek jakitera eman duenez, prentsa agerraldia eskainiko du igande honetan bertan jokalariak Lezamako lan saioa amaitu bezain pronto.

Hala, datorren denboraldian Gasteizen jokatuko duela iragarri du Alavesek bere webgunean.