Igor Uriarteren eta Arkaitz Agirregabiriaren senideek Etxerati jakinarazi diotenez, bi presoek azaroaren 18an jaso zuten ziega berean batera instalatzeko agindua. Biek uko egin zioten, ziega bakar batek bi pertsona hartzeko dituen mugak direla-eta, eta mitard-ean sartu zituzten.
Bien egoera aztertu dute diziplina-komisioetan azaroaren 21 eta 28an eta abenduaren 5ean, baina guztietan 8 egunez presoak zigor ziegetan mantentzea erabaki da. Egoera luzatu egin daiteke espetxeak ziega berdina partekatu behar dutela agindu duelako, Etxeratek ohar batean ohartarazi duenez.
Senideen elkarteak salatu duenez, kartzeletako pilaketak sor ditzakeen arazoek are okerragoak egiten dute bizi baldintza, «benetako osasunik gabeko egoerak eraginez». Edozein ekintza egiteko espazio, mugikortasun eta baldintzak falta dira ziegetan, areago partekatu behar dutenean. «Horrek aplikatzen zaien kartzela erregimenarengatik ziegan ordu asko pasa behar dituzten presoei kalte egiten die», euskal preso politikoekin gertatzen den legez.
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
