74. Juan Mugerza edizioa ospatu da gaur eguerdian Elgoibarren, hotza oso presente izan den edizioa. Horrek, baina, ez du inolako eraginik izan larrean eta lasterka egiteko baldintza bikainak izan dituzte korrikalariek.

Zorua ongi egoteaz gain, lasterketa ikustera gerturatu diren milaka lagunen animoak izan dituzte korrikalariek.

Hala, Joshua Cheptegei ugandarra izan da bizkorrena gizonezkoen artean (31:50 minutu), Aweke Ayalew (+26) eta Conseslus Kipruto-ren (+37) aurretik.

Emakumezkoen sailkapenean, berriz, Senbere Teferi izan da bizkorrena (25:18 minutu), Ruth Jebet (+12) eta Trihas Gebre-ren (+19) aurretik.