Larunbat goizaldean Tolosan adingabe baten kontrako sexu erasoarekin lotuta atxiloturiko 20 urteko gaztea aske utzi dute epailearen aurretik pasa ostean. Epaileak 15 egunero sinatzeko agindua ezarri dio, baita biktimarengandik urrun mantentzeko agindua ere.
Lakuako Segurtasun Sailak jakinarazi duenez, atxilotua epailearen aurrera eraman dute goizean, eta 17:00ak jo aurretik aske geratu da. Gazteak epaitegira joan beharko du hilero, 1ean eta 15ean, eta biktimarengandik urrun egoteko agindua ezarri diote.
Gizonezkoa igande gauean atxilotu zuten Tolosan, 16 urteko neska adingabe batek larunbat gauean gertatutako sexu eraso bat salatu ondoren.