Osasun Sailak EAEko hiru hiriburuetan dituen ordezkaritzen aurrean mobilizazioak egin dituzte ELA, LAB, SATSE, ESK, CCOO eta UGT sindikatuek, Osakidetzak «pribatizazio estrategiari» eusten diola salatzeko.
Zehazki, Urdulizko ospitaleko lentzeria eta sukalde zerbitzuaren zein Lezako ospitaleko garbiketa zerbitzuaren pribatizazioak kritikatu dituzte. Lezako ospitaleko informatika zerbitzua Osakidetzatik kanpora eramateko asmoa ere gaitzetsi dute.
Era berean, Eibarko Ospitala ireki orduko zenbait zerbitzu kudeaketa pribatuaren esku uzteko nahia azpimarratu dute, besteak beste, erreabilitazioarena.
Osasun sistemak zenbat eta pribatizatuago egon, zerbitzuak eskuratzeko «orduan eta desberdintasun handiagoa» dagoela nabarmendu dute sindikatuek. «Guk apustu egiten dugu ekitatearen alde, baina, horretarako, ezinbestekoa da osasun publikoa sendotzea», adierazi dute.
Jon Darpon sailburuaren dimisioa eskatzeko oihuak ere egin dituzte protestetan parte hartu dutenek.
Hurrengo hitzordua martxoaren 7rako jarrita dagoela esan dute, lantokietan egingo dituzten protestekin. Osakidetzaren jarrera aldatzen ez den bitartean mobilizazioek jarraituko dutela nabarmendu dute.
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
