«Lortu dugu!». Twitterren zabaldutako mezu horrekin iragarri du Errekaleor Bizirik! plataformak 100.000 euro biltzeko helburua bete egin dutela. Hortaz, 550 eguzki plaka jarri ahal izango dituzte, auzoaren burujabetza energetikoa bermatuz eta bertan bizi diren 150 pertsonen beharrak asetzeko.
#100000Esker
— Errekaleor Bizirik! (@Errekaleor) 2017(e)ko uztailak 20
Lortu dugu!!! Bi egun aurreikuspen guztiak gainditzeko...https://t.co/l8nm4jghmK pic.twitter.com/gQ1nJOXLBO
«Aurreikuspen guztiak gainditzeko», ekarpenak egiteko oraindik bi egun daudela gogorarazi dute.
Diru bilketa ekainaren 3an hasi zuten, ‘Coopfunding’ plataformaren bidez, eta dagoeneko 1.200 inguru dira ekimenarekin bat egin duten norbanako edo eragileak.
Egun hartantxe, milaka lagunek Errekaleor proiektuari babesa adierazteko manifestazioa egin zuten Gasteizen, Gorka Urtaran alkateari jarrera alda zezala eskatzeko.
Maiatzaren 18an, Lakuako Industria Sailaren aginduz, auzo autogestionatuan argindarra moztu zuten Iberdrolako langileek. Ertzain ugari bertaratu ziren eta auzoa babesten ari ziren hiru lagun atxilotu zituzten
Orain, «Euskal Herri mailan energetikoki isolaturiko espazio handiena» gauzatzeko moduan izango dira Errekaleorreko bizilagunak.