Ipar Euskal Herrian sortu berri den Fronte Sozialak kolore anitzeko sindikatuekin batera egin dute Baionako deialdia. Macronen lan erreformen kontra indarrak biltzeko, sindikatuez gain, elkarte eta alderdi politikoak elkartu dira.
Ehunka pertsonek lan eskubideak errespetatuak izateko eskatu dute Baionako karriketan. Lehenengo kontaketaren arabera, 2.000 pertsona inguru izan dira mobilizazioan parte hartu dutenak, Kazeta.eus-ek jaso duenez.
«Gure askatasun eta eskubide sozialen alde» leloa zeraman pankartak ireki die bidea manifestariei. Langile eta buruzagien arteko ezberdintasunak areagotzen dituen erreforma deitoratu dute mobilizazioan parte hartu dutenez. Beren aburuz, Gobernu frantsesaren erreformak langileen babesari kalte egiten dio.
Normaltasunez igaro da manifestazioa, Grenet zubira iritsi den arte. Hain zuzen, bertara ailegatzean «zubi gorria» blokeatu dute manifestariek. Hogei bat minutuz bertan egon ondoren, udaletxerantz abiatu dira.
Protestak Estatu frantsesean ere bai
Macronen kontrako protestak Estatu frantes osoan izan dira. Hala, Marseillan milaka lagun elkartu dira manifestazioa batean. Bertan, Jean-Luc Melenchon Frantzia Intsumitua alderdiko ordezkariak Macronen neurriak atzera botako dituztela adierazi du. «Macronek men egingo du. Herri honek ez du mundu liberalik nahi. Hau Frantzia da, ez Ingalaterra».
Fallece un vecino de Hernani en un accidente de montaña en Aiako Harria
El despegue de EH Bildu y el retroceso del PNV provocan un empate inédito
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
