Sagrada Familia inguruan, Sant Antoni Maria Claret kalean Caixabankek duen bulegoan lehen ordutik jende ilara osatu da bart gauean ‘Crida Democràcia’ ekimenaren bidez egin duten deialdiari erantzunez. Zain zen jendea kanpoko bi kutxazainetan eta zain bulego barruan ere. Orduerdi ingurura kutxatzainetako bat zerbitzuz kanpo geratu da.

Pues este cajero de la calle Sant Antoni Maria Claret ya está fuera de servicio... (colas dentro y en 2° cajero) #laforcadelagent pic.twitter.com/3s48EJYEYT

— Ion Telleria Barrena (@iontelleria) October 20, 2017

Omnium eta ANCk mobilizazio aldi berria iragarri dute asteon eta atzo zehaztu zuten ekintza zuzenen aro berri honetako lehen ekimena. Deialdia zehatza, bereziki 8etatik 9ak bitartean banketxe nagusietara joan eta dirua ateratzea, «kontsumitzaile gisa» herritarrek elkarrekin jardunda duten indarra erakuste aldera. Jordi Cuixart eta Jordi Sanchezen espetxeratzeak salatzea dute helburu baina baita independentzia baldintzatu asmoz izaten ari diren bestelako ekimenak ere. Adibidez, Caixabank eta Sabadell banketxeetan dirua dutenei hauek euren egoitza soziala Kataluniatik kanpora eramateko erabakia arbuiatzeko deia ere egin diete entitate soberanistek.

Primeres cues a les entitats de Badalona. #LaForçaDeLaGent pic.twitter.com/3zWOLnXxGE

— Òmnium Badalona (@omniumbdn) October 20, 2017

Zonaldearen arabera erantzun ezberdina izan du ekimenak baina leku askotan ikusi dira jende ilarak eta sarean ere ikusmina sortu du, goizean mundu mailako joera izan da Twitterren #LaForçaDeLaGent traola.

Kopuru sinbolikoak (155€) eta ikuspegi kontrajarriak

Ekimenari bestelako osagai sinbolikoak gehitzeko ere baliatu dute herritar ugarik. Horien artean 155 €-ko diru ateratzeak, Espainiako Gobernuak Katalunian aplikatu nahi duen Konstituzioko artikuluari erreferentzia eginez.

Cua per treure #155€ a Molins de Rei @omnium #LaForçaDeLaGent @rac1 @elmonarac1 @maticatradio @tv3cat pic.twitter.com/LAUyUNoTnN

— Carles Ros (@Carles_Ros) October 20, 2017

Ekimenarekin bat egin dutenen artean, baita Kataluniako parlamentuko diputatuak ere. Adibidez, Lluis Llach.

Seguim!!! pic.twitter.com/27BZN8WZX2

— Lluís Llach (@lluis_llach) October 20, 2017

Ekimenarekiko kritiko, aldiz, Santi Vila Kataluniako Gobernuko Enpresa kontseilaria. Twitterren esan du «bankuak tentsionatzea eta boikot komertzial dinamikak ez dira entzunarazteko modurik egokiena. Ekonomia arriskuan jartzea beti da autogol bat»:

Tensionar els bancs o dinàmiques de boicot comercial no són la millor manera de fer-se sentir. Posar en risc l’economia és sempre un autogol

— Santi Vila (@SantiVila) October 20, 2017

Zail da bien arteko erlazio zuzenik egitea baina 9.45ean bankuen burtsako joerei begiratuz gero Sabadell eta Caixabank dira beheranzko joeran ageri ziren bakarrak:

Gaurko ekimena mobilizazio aldi berri baten abiapuntua da, norbanakoek elkarrekin jardunez lor dezaketen indarra adierazi asmo dute eta hala azaldu zuten deitzaileek txinurri lana ardatz zuen bideo honetan:

Queda només una hora ⏰ pic.twitter.com/aULwNexANi

— Crida Democràcia (@CridaDemocracia) October 19, 2017