0 iruzkin

#AlFREEdo oihua gorpuzten ari da sarean, Remirez espetxeratzeko erabakiaren aurrean

#AlFREEdo oihua gorpuzten ari da sarean, Remirez espetxeratzeko erabakiaren aurrean

Alfredo Remirez Marañon, Twitterren @erreharria erabiltzaile izenarekin ezagunagoa den amurriarrak urtebetez espetxera joan beharko du euskal presoen urrunketa salatzeagatik.

Ipinitako azken helegitea Entzutegi Nazional espainolak ukatu ostean, urtebeteko zigorra betearazi nahi diote Remirezi. Gauzak horrela, 2005an Amurrioko txupinazoan preso baten panpina ateratzeagatik espetxeratzeko erabaki irmoa hartu du Espainiako Auzitegi Nazionalak.

2015eko maiatzean, «Armiarma operazioa» bezala izendatutako sarekadetako batean atxilotu zuen Guardia Zibilak Remirez eta 2017ko otsailean epaitu zuten Twitter sare sozialetan terrorismoa goratzea egotzita. Epaiketa hartan akordioa lortu zuen defentsak: urte eta erdiko kartzela zigorra eta 14 urte eta sei hilabeteko inhabilitazioaren kondenarekin kartzela saihestea alegia. Orain, baina, 2005ko gertaren gaineko auziaren suspentsioa eskatu eta espetxe zigorra hura betetzea ebatzi du epaitegiak.

Alfredo Remirezek berak eman zuen Twitter sare sozialean ebazpenaren berri eta gainontzeko txiolariek babes, animo eta salaketa mezuekin erantzun zioten #AlFREEdo kanpaina de facto martxan jarriz berriz.

Aurpegi ezagun ugariren babesa eskuratu du Remirezek.

Epaia ezagutu eta berehala NAIZi eskainitako elkarrizketan jasotako elkartasuna eskertu du Remirezek.

/
azken iruzkinak
azken post-ak