0 iruzkin

Azpiazuren desazelerazioak eta Rajoyren aho korapiloak sareak dardarazi ditu

Pedro Azpiazu, Lakuako Ogasun eta Ekonomia sailburuak agerraldia eskaini zuen atzo Gasteizko Gobernu Kontseiluak datorren urteko Aurrekontuaren gidalerroak onetsi dituela esan eta horiek aurkezteko. Garapen eta Azpiegitura sailburu den Arantxa Tapiarekin eta Lakuako bozeramaile Josu Erkorekarekin batera eskaini zuen agerraldia Azpiazuk, baina, euskarazko hitzartzean ez zen nahi bezain fin ibili. Ikusi bestela, desazelerazioa hitzarekin sortutako aho korapiloa.

Halakoetan gertatzen den moduan, txiolariek ez zioten hanka sartzea barkatu eta irriak eta kexak eragiteaz gainera, bideo harat eta honat ibili zen Twitter eta Facebook moduko  sareetan.

Kongresu espainolean Espainiako presidente Mariano Rajoyk Unidos Podemos koalizioak bere kontra aurkeztutako zentsura-mozioari aurre egin behar izan zion atzokoan. Eztabaidak luze jo zuen eta Podemosekoen hitzaldien ostean, Rajoyk berak hartu zuen hitza. Ohikoa duen moduan, ez zen nahi bezain fin ibili eta hain ezagunak zaizkion aho korapiloei eutsi zien berriz ere.

Bideoan azpitituluekin eta guzti ikusi daiteke.

Sareetan ere oihartzun zabala izan zuen azken aho-korapiloak.

Hainbeste zeresan eman ez bazuten ere, Rajoyren hitzartzean baziren beste hainbat esaldi korapilatsu.

/
azken iruzkinak
azken post-ak