“Maitasunaren indarra” liburua argitaratu du Gabriel Korta poeta errenteriarrak. Bere zazpigarren olerki bilduma du eta irakurleei euren fideltasuna eskertu nahian, opari gisa, “Euripean egarri” liburukia ere gehitu dio liburuari, denera 200 orriko argitalpena osatuz.

Azken urteotako bere poesia produkzioari gainbegiratua eman dio, lehendik landuak zituen gaiei nolabaiteko arnasbidea emanez, argi berezia eta perspektiba berriak erabiliz, etsipena eta gordintasun existentziala apur bat zokoan utzi nahian bezala.

Urtarrilean lagunartean aurkeztu zuen lana eta aurrerantzean errezitaldiak eskaintzeko asmotan da poeta.