Gaztañaga, Olaizola eta Vicario, Euskal Zine Bileran saritutako egileak

Lekeitioko Zine Bilerak Bego Vicarioren “Jane, Tarzan ez zen horren guay” lanari eman dio film onenaren saria profesionalen atalean. Amateur atalean Amancay Gaztañaga eta Erika Olaizolaren “Zulo” lanak jaso du. Zuzendaritza saria, arlo profesionalean, Irati Gorostidik eta Arantza Santestebanek eskuratu dute “Euritan” lanari esker. Amateur arloan Oiar Fuentesen “Aska tasun hari” saritu da. Gidoiaren sarirako arlo profesionalean Bertol Arrietaren “Zorrak zor” aukeratu da, eta, amateur arloan, Gernika-Lumoko Sareren “Atera bidetik”. Aipagarria Benito Ansolari egin zaion esker oneko omenaldia ere.