Deitoragarria!!
Edurne Alegria Aierdi | Getaria
2013/02/04

Larunbatean, Hendaian izandako manifestazioan parte hartu ondoren, Euskal Telebistako 2. kateko berriak entzun nituen. Bertan Hur Gorostiaga, Seaskako zuzendaria, Martin Garitano, Gipuzkoako ahaldun nagusia eta Battitta Salaberri, Hendaiako auzapeza elkarrizketatu zituzten. Hirurak gaztelera batuan mintzatu ziren... Gogora dezadan manifestazioa ikastolaren alde zela, hots, euskararen alde.

Alperrik dugu ‘Euskaraz bizi nahi dut’ aldarrikatzea, ondoren, gure inkontzientean kolonizatuaren sindromea uxatzeko gai ez bagara, euskal medioetan erdal elebakarren itzultzaileak izateari uko egiten ez badiogu. Alperrik dugu euskararen erabilerari buruzko inkestak egitea, euskara, hizkuntza ‘elbarritutzat’ jotzen badugu, erdararen menpetasunari josita balego bezala.

Bidenabar, EITBko zuzendaritza berritzear dagoenez, zera eskatu nahi nieke arduradun berriei: ETBko elkarrizketak, adierazpenak, e.a. euskaraz eta gaztelaniaz jaso beharrean, euskaldunen adierazpenak euskara hutsez jaso ditzaten, eta jardunbide hori etxe horretako araua bilaka dadin.

Artikuluak
Mikel Etxeberria
2014/08/28
Andrés Mora Ramírez
2014/08/27
Koldo Amezketa
2014/08/27
Gutunak
Francisco garijo y pedromari leoz (*)
2014/08/25
Iker Abanzabalegi eta Mikel Louvelli I Abotsanitz Herri Batzarra
2014/08/25
Xabier Onaindia I Gernika Batzordea
2014/08/22
Pedro Mari Usandizaga Añorga I Ondarroa
2014/08/22
Azken post-ak
HipHop Gunea
2014/08/27
HipHop Gunea
2014/08/27