Gangster ustelak
Aritz Soloeta Garmendia | Otxandio
2013/01/31

Herritarrek bidegabekerien ondorio latzak beraien larrutan pairatzen dituztenean, beharrezkoa den erresistentzia antolatzen da. Hori indarkeria erabiltzen den protestaldietan isla daiteke, edota maileguei aurre egiteko ordain saririk izan ez eta etxe kaleratzeak bideratzeko herri agintariak agertutakoan, baita gehiegikeria horiek borondatez oztopatzen saiatzen diren herritarretan ere.

Legea, ordena eta jabegoa arriskuan jartzeaz batera, ogibidetzat bereziki herritar etsituen aldarrikapenak isilaraztea daukaten gizon eta emakumeen zerbitzuez baliatu izaten dira goi agintariak. Hala, oraindik ere ohikoa da polizia indarrek sindikatuek antolatutako manifestaldietan langileak jipoitu ondoren, gertakarien irakurketa desitxuratuena egiteko hedabide konglomeratu konkretu batzuez nola baliatzen diren ikustea; ondorioz, botereak egonkortutako hainbat hedabide bozgorailu gisa erabiltzen dituela argi asko nabarmentzen delarik.

Batzuek, antza, ez dituzte Euskal Herriko krisi politikoak orain arte utzitako ondorioak bere osotasunean asimilatu, baina hala gertatutakoan, agintari eta herritarren arteko muga horretatik alderantzizko ibilbide berri bati ekin behar izango diote. Izan ere, heroitzat hartu izan diren polizia kideak gangster ustelak izan daitezkeela suertatu izan da gehiegitan, eta jakina da agintarien ipurtzuloak miazkatu eta beraien gaizkide izaten jarraitzen duten hedabideen laguntzarik gabe inoiz ez zirela heroi bilakatuko.

Artikuluak
Iñaki Egaña
2017/03/25
Jon Inarritu, Inaki Irazabalbeitia eta Patxi Zabaleta
2017/03/25
Ana Gómez
2017/03/24
Aitziber Ibaibarriaga y Miren Ingunza, vecinas de Alde Zaharra
2017/03/24
Gutunak
Antonio Salinas García
2017/03/24
Joxe Iriarte «Bikila»
2017/03/24
Mariló Méndez
2017/03/24
Pedro Mari Usandizaga Añorga
2017/03/24