Irriari hipotekarik ez
Juan Luis Mugertza | Idazlea
2013/02/19

Badago jende asko politika hitza entzun eta hotzikara sentitzen duena: «Mesedez, politikarik ez!». Eta orduan, beren burua zuritze aldera, politikari askok egindakoa gogorazten digute, argi eta garbi ikus dezagun politikak ezer gutxirako balio duela. Halarik ere, ni ez naiz uste horretakoa; politika -edozein gairi buruz ari garela- gizartearen arnasbidea da, eta zer esanik ez, garai honetan, non orain arteko politika ustelak hondamendira eraman gaituen. Sistemak beldurra, etsipena zabaldu nahi du hedatutako gizarte ahul hori hobeto kolpatzeko eta etekin handiak lortzeko. Ezin dugu eguneroko solasaldietan krisia, gatazkaren konponbidea... ahotan hartu eta geure buruaz errukitzen ibili. Gizarte honek jakin behar du asmatutako parodia horren atzean dauden antzerkigile profesionalen asmoa ez dela ikusleari barre eragitea, baizik eta eskubideak murriztea. Horregatik, oraingo politikak bestelako hitzak, baloreak osatu behar ditu, egunero elkarrizketek norabide ezberdina har dezaten. Baina horretarako sinetsi behar dugu aukera egon badagoela. Ez da erraza, eta ez da izango; hori badakigu. Gainera, aurreikuspenak ez dira oso baikorrak; geurean ere, nola ez, musikaren doinuak aurrekoaren segida izango du. EAJk jada bere urratsak egin ditu, eta ez du ematen politikaren hariak mugitzen dituztenek melodia aldatzeko asmoa dutenik. Hala ere, orain, inoiz ez bezala, bestelako politika ahotan hartuta (Sortu), benetako aldaketaren aldarria erreibindikatu behar dugu. Ezin dugu geure indarra etsipenaren bidez kanalizatu. Ezin dugu gure irria hipotekatu.

Artikuluak
Antonio Alvarez-Solís
2014/07/28
Asier Imaz, Unai Ziarreta, Rebeka Ubera, Amaia Agirresarobe
2014/07/28
Iker Casanova Alonso
2014/07/27
Oskar Fernández García
2014/07/27
Gutunak
Juantxo Carrascosa
2014/07/28
Txumai Iturria, Javier Berrojalbiz, Itxaso Perez, Iñaki Uruburu | ESAITeko mendi martxa
2014/07/28
Javier Orcajada Del Castillo
2014/07/26
Luzio
2014/07/24