Josu
Martin Garitano Larrañaga | Gipuzkoako Ahaldun Nagusia
2012/11/28

Josu Ikobaltzeta joan da. Apenas zarata atera gabe, inor ez molestatzearren, seguru. Bizi izan den bezala. Inor ez molestatzea eta ahal zuena laguntzea izan baitu helburu.

Josu joan da, eta ez daki berak ere zelako hutsunea utzi digun. Ez daki zelako putada egin digun. Ekiteko orduan behar den diskrezioa, alde egiterakoan ez zen horren beharrezkoa-eta.

Aurretik joan zaizkigu beste lagun asko, eta beraien izenak biharko ikastoletan ikasiko dituztela idatzi nuen, duela gutxi, Txominek utzi gintuenean. Josuren izena ez dute ikastoletan ikasiko, baina ezagutu dugun guztion bihotzetan, bere lagun izateko poza izan dugunon bihotzetan, berarekin berriro bildu artean, suzko eleekin idatzita egongo da.

Josu, gure Josu Haundi, gure Gordito, Jonen Aske, abertzale petoa, gaur gu guztion anaia izendatu nahi zaitut. Goraintziak eman besteei.

Agur eta ohore maitia!

Artikuluak
Jesús Nieto, María José Sagasti y Angel Rincón
2017/05/24
Patxi Xabier Arrosagarai Terés, Juan Mari Feliu, Txema Landa, Tomas Urzainqui Mina
2017/05/24
Gutunak
Amaia Agirre, Miren Kortabarria, Laura Sanchez eta Rosa Diaz de Cerio* | Debagoieneko ospitaleko larrialdi zerbitzuetako langileak
2017/05/24
Josetxo Labairu Senosiain | Administrazioan Euskaraz Taldea
2017/05/24
Garikoitz Nazabal | Gipuzkoako EHNEko presidentea
2017/05/23
Enric Vivanco Fontquerni
2017/05/23