Oraingoan ere, tonu argia aukeran
Juan Luis Mugertza Unanue
2017/03/17

Bai-ez egon ziren tarte batean, baina, azkenean, ez da akordiorik izan. Dirudienez, kanpoko eragin txarrak ez omen du lagundu gustuko kolorea aukeratzen. Gainera, urte asko daramatzate betiko kolorea janzten, eta orain oso berandu da kolorez aldatzeko, ereduarekin hausteko. Tira! Tira! Horregatik, betiko estiloaren alde egingo dute aurrekontuak aurrera ateratzeko, eskutik helduta joateko, nahiz eta aukeratutako tonua gehiengo sozialak gogoko ez duen. Besteak beste, erabakitzeko eskubidea ukatzen duelako, eta bestelakoetan murrizketak dakartzalako. Baina hori gutxienekoa da. Hauei bost axola. Babesa nahi zuten, nola edo hala, eta presa handia zuten abiaduran jartzeko, etxea pintatzeko. Kontuak kontu, orain akordioaren kolorea zuritzeko azken dotorezia-ukitua baino ez dute falta. Ortuzarrek besteek aukeratutakoak gorritik asko zuela esan du, eta horrela… oso zaila dela elkar hartzea. Aukeran beti urdin argia hobeto.

Artikuluak
Víctor Moreno
2017/08/20
Iosu Del Moral
2017/08/20
Iñaki Egaña
2017/08/19
Eric Nepomuceno
2017/08/19
Gutunak
Jesús M.ª Aragón Samanes | Secretario General Federal del Partido Carlista
2017/08/19
Iker Iturralde | En nombre de la Junta Directiva de la Unión Artesana
2017/08/18
Pedro Mari Usandizaga Añorga
2017/08/18
Iñaki Uriarte | Arquitecto
2017/08/18