Frankismoaren azken fusilatuak gogoan
1975ko irailaren 27an fusilatu zituen frankismoak Juan Paredes Manot, ‘Txiki’, Angel Otaegi ETAko militanteak eta Jose Luis Sanchez Bravo, Ramon García Sanz eta Humberto Baena FRAPekoak. Zarautzen gogoan izan dituzte Ahaztuak elkarteak antolatutako ekitaldi batean, Nuarben arratsaldean antzeko oroimen ekimen bat egin dute Angel Otaegiren jaiotetxean, Derion ere antolatu dute ekitaldia. Iruñekoa debekatu egin du Espainiako Gobernuak Nafarroan duen ordezkaritzak. Hendaian, GALen eta gerra zikinaren biktimak izan dituzte gogoan.
2014 IRA. 27