Zaldibarko udaletxeko enparantzan jarritako karpa ez da nahikoa izan 1936ko gerran hildako herritarren omenezko ekitaldira gerturatutako pertsona guztiak hartzeko. 28 izan ziren frontean, fusilatuta, gaixotasunez... hildako zaldibartarrak, eta horien guztien izena daraman oroitarria inauguratu dute. «Faxismoak hildako zaldibartarrak beti gogoan» irakurri daiteke oroitarrian.