Ohar baten bidez, Izagirrek gogoratu du Donostiako Udala Kutxaren instituzio sortzaileetakoa dela, eta «Kutxak hasieratik nahi izan duela izaera publikoa eta soziala», eta hori bermatu egiten duela Gipuzkoako Aldundiaren proposamenak.

«Ez dugu ulertzen ordezkari politikoek honen kontra egitea, eta dei egin nahi diet soseguz hitz egiteko, eztabaidatzeko, adostasunak bilatu behar ditugu», nabarmendu du Izagirrek.

Hala ere, helburua zein den ahaztu ezin dela gaineratu du: Kutxaren kontrol publiko eta soziala ziurtatzea, hain zuzen.