1937ko martxoaren azken egunean, faxistek Durango bonbardatu eta 336 lagun hil eta ehunka batzuk zauritu egin zituzten.
Gaur, sarraski horren 78. urtemuga dute eta, hura gogoratzeko, hainbat ekitaldi egin dituzte Durangon.
Goizeko 8.30ean, sirena eta kanpai hotsez lehen aire erasoa gogoratu dute. Gauza bera egingo dute arratsaldeko 17.45ean, bigarren erasoaldia jazo zen orduan.
Udalak antolatuta, eguerdian ekitaldia egin dute kanposantuan. Erakunde eta alderdi politikoetako ordezkariekin batera, hildakoen senideak eta erasoalditik bizirik ateratzea lortu zutenak ere izan dira bertan.
Besteak beste, Aitziber Irigoras alkatea, Jose Luis Bilbao ahaldun nagusia edota Batzar Nagusietako presidente Ana Madariaga izan dira ekitaldian.
Lore eskaintza egin eta hildakoen omenezko aurreskua ere izan da eguerdiko ekitaldian.
Iluntzeko 20.00etan, bonbardaketan hildakoen aldeko oroimen ekitaldia egingo dute, Gerediaga Elkarteak eta Kriskitin Dantza Taldeak antolatuta, Andra Mariko elizpean.
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
